Ymweld â Gogledd Cymru

Hoff leoedd Nathan i ymweld â nhw ar wyliau yn Eryri

Mae cymaint o leoedd hardd i ymweld â nhw yng Ngogledd Cymru, ond dyma fy hoff ddeg lle, yr wyf wedi’u hawgrymu i gwsmeriaid droeon.

Gobeithio y byddwch yn eu mwynhau gymaint â mi!

Caernarfon: Deng munud mewn car, cartref Castell Caernarfon, gyda nifer o dafarndai a siopau hyfryd i’w gweld.

Betws-y-Coed: Pentref Cymreig bach hyfryd tua 25 munud mewn car i ffwrdd. Mae’r daith drwy fynyddoedd Cymru yn wych; dyma lle ffilmiwyd hysbyseb Volvo.

Biwmares: Tref lan môr hyfryd gyda siop hufen iâ wych, The Red Boat, a gwesty braf ar gyfer cinio, The Bull.

Zip World: Mae’r wifren wib gyflymaf yn y byd dim ond deng munud mewn car oddi wrthym – diwrnod llawn gwefr!

Traeth Llanddwyn ar Ynys Môn: Wedi’i bleidleisio’n un o draethau gorau’r DU yn y gorffennol. Mae taith gerdded hyfryd i’r goleudy, gyda dŵr clir fel grisial.

Porthaethwy: Mae Gwesty Victoria a Dylan’s, deng munud mewn car, yn lleoedd braf i fwyta, gyda golygfeydd anhygoel o Afon Menai.

Conwy: Tua 25–30 munud mewn car o’n safle. Tref Gymreig hyfryd gyda siopau annibynnol, castell hanesyddol a’r tŷ lleiaf yng Nghymru i’w gweld.

Portmeirion: Rhwng aber Afon Dwyryd a mynyddoedd godidog Eryri, mae pentref Portmeirion yn gyrchfan breifat gyda gerddi ar ei benrhyn ei hun. Gyda golygfeydd i bob cyfeiriad a llwybrau di-ben-draw i’w crwydro, cewch eich cludo i fyd tebyg i freuddwyd, llawn syrpreisys.

Llandudno: Tref arfordirol yng Ngogledd Cymru gyda dewis da o siopau a lleoedd i fwyta; mae’r Cottage Loaf yn dafarn fach ardderchog. Mae’n adnabyddus am Draeth y Gogledd a phier Llandudno o’r bedwaredd ganrif ar bymtheg, gyda chlogwyni’r Gogarth yn ymestyn i’r môr.

Llyn Padarn: Llyn godidog a ffurfiwyd gan rewlifoedd, wedi’i leoli ymhlith rhai o olygfeydd mwyaf ysblennydd Eryri. Ar ei lan ddeheuol mae pentref prysur Llanberis, ac i’r de-ddwyrain ceir Parc Gwledig Padarn eang a hudolus. Mae’n ymestyn dros 800 erw, gan gynnwys Coed Dinorwig, coetir derw digoes hynafol a phrin, a Chwarel Vivian ryfeddol. Mae Llyn Padarn a Choed Dinorwig ill dau yn Safleoedd o Ddiddordeb Gwyddonol Arbennig.

Mae atyniadau Parc Gwledig Padarn hefyd yn cynnwys Amgueddfa Ysbyty’r Chwarel, Amgueddfa Lechi Cymru, nifer o fannau picnic ar lan y llyn a gweithgareddau crefft ac antur amrywiol.